×
Skakel na Engels

Vra vir Sharon

Sharon glass is die tipe kok waaroor ons mal is. Haar resepte is vining en maklik om voor te berei – en sy het wonderlike raad as dit kom by koswenke en kortpaaie in die kombuis. Dit is hoekom sy ons Goeie Huishouding kombuis-guru is. Het jy ’n vraag? Sharon het die antwoord. Lees haar oplossings vir jou kombuis-kopsere hier:

 

 

V: “Wat kan ek met groen mango’s doen?”

 

A: Wanneer die mangoseisoen aanbreek, is dit boaan my vrugtelysie. Ongelukkig word mango’s wat te vroeg gepluk is gewoonlik nie behoorlik ryp nie, selfs al laat jy dit geduldig in ’n sak lê. Maar groen mango’s is nie totaal onbruikbaar nie – dis ’n gewilde bestanddeel in baie geregte van Indië, Thailand en Maleisië. Pleks van soet het die vlees ’n skerp, suur smaak. Ek hou daarvan om dit in julienne-repies te kerf en by slaaie te voeg vir ’n ekstra-pikante smaak en knars. Maak seker jy kies mango’s met ’n pragtige rooi en oranje blos. Dit behoort ferm te wees as jy daaraan raak, nie pap nie.

 

V: “Hoe kan ek ’n quichepan met deeg uitvoer sonder dat die deeg skeur?”

 

A: Ek stel voor jy draai ’n balletjie deeg in kleefplastiek toe om ’n sagte kussinkie te vorm. Gebruik dit om die deeg in die groewe van die quichepan in te druk sodat die rand nie skeur of gate inkry nie. Die deeg sal minder geneig wees om te skeur as wanneer jy jou vingers of kneukels gebruik.

 

V: “Ek is nie seker in watter stadium ’n mens risotto moet voorsit nie. Moet dit redelik droog wees en op ’n bord opgehoop kan word, of moet dit romerig en taamlik los wees?”

 

A: Risotto(arborio-rys)is berug daarvoor dat dit ’n moeilike rys is om gaar te maak omdat dit baie styselagtig is, maar dít maak dit ook baie sag en romerig. Risotto moet verkieslik al dente voorgesit word, wat beteken dis ferm maar sag. Dit moet ook in ’n groot hoeveelheid aftreksel gaargemaak word omdat dit hope geur en aandag vereis. Dit moet aanhoudend geroer word (vir sowat 20 minute) om die rys heeltemal gaar te kry en sodat dit meer stysel afgee.

Begin deur die rou rys liggies in ’n mengsel van botter, olyfolie en knoffel te braai. Voeg dan die aftreksel (wat warm moet wees) een soplepel vol op ’n slag by sodat die rys dit kan absorbeer, geleidelik gaar raak en deurentyd sag kook. Ek stel voor dat jy altyd ’n bietjie meer aftreksel berei as wat die resep vereis, net vir ingeval.

My geheime wenk is om nog ’n skeut aftreksel en ’n lepel vol botter by die risotto in te roer net voordat jy dit voorsit. Rond 
dit met vars gerasperde parmesaan af om dit net nog ’n bietjie romeriger te maak. Daar moet verkieslik ’n bietjie aftreksel wees wat nog nie geabsorbeer is nie, want die rys sal aanhou kook totdat
 dit voorgesit word. Dit moet sag en los wees. En onthou om heeltyd te proe en geurmiddels na smaak by te voeg.

 

V: “Is daar ’n manier om ’n kerrie met te veel byt te tem as jy per ongeluk te veel rissiepoeier gebruik het?”

 

A: Kerries behoort lank te stowe sodat die geure behoorlik kan ontwikkel. Lamsvleis neem veral lank om sag te kook. Omdat kerrie soveel tyd verg, sal dit ’n skande wees om dit weg te gooi.

Sny twee groot aartappels in groot stukke en gooi dit by die kerrie om die oortollige speserybyt te absorbeer. Ek sal ook 
ekstra water 
byvoeg wat dit
 verdun en die geur versag. Laat dan die sous op medium hitte afkook totdat dit weer begin verdik. Jy kan ten slotte ook gewone jogurt net voor opdiening deurroer. Dit sal die sous romerig maak en van die skerpheid absorbeer.

 

 

V: “Hoe kan ek keer dat die dop aan ’n hardgekookte eier vasklou?”

 

A: Dit behoort nie moeilik te wees om die dop van ’n hardgekookte eier af te trek nie – kry net my kundige kunsies onder die knie! My voorstel is om vars eiers te gebruik wat vir ’n paar dae in jou yskas was.

Plaas die eiers in koue water in ’n pot en bring tot kookpunt. Dreineer die kookwater na 15 minute en sit die eiers onmiddellik in ’n bak yswater. Die temperatuurdaling laat die sagte binnekant inkrimp en skep lugborrels tussen die eierwit en die vlies wat keer dat die wit aan die dop vaskleef.

Haal die eiers uit die water sodra dit afgekoel het en tik die hele dop liggies. Sit dit terug in die koue water en skil dit onder die water, of onder koue lopende kraanwater af.

Hardgekookte eiers (met die dop aan) kan vir tot ’n week veilig in die yskas gebêre word.

 

 

V: “Ek het pas ’n rooifluweelkoek gebak en dit het ’n sterk, bitter nasmaak. Kan jy vir my sê wat ek verkeerd gedoen het?”

 

A: Dit klink asof jy dalk te veel rooi voedselkleursel gebruik het, wat die rede vir die oorweldigende nasmaak kan wees. Beet word gebruik om outentieke rooifluweelkoeke te kleur, maar gebruik 15 ml tot 20 ml as jy verkies om ’n rooi vloeibare kleursel te gebruik. Wanneer ek rooiflu
weelkoeke bak, gebruik 
ek graag voedselkleursel 
in jelvorm. Dis by spesialiteit-bakwinkels te
 kry. Die jel het vir my ’n baie dieper kleur en 
geen nasmaak nie – en 
net ’n paar druppels daarvan is nodig.

 

 

 

V: “Elke keer as ek ’n quiche of tert met ’n kors maak, is my deeg te klam en neem dit baie lank om te bak. Wat doen ek verkeerd?”

 

A: Wanneer jy ’n quiche maak, is dit belangrik om die kors vooraf te bak – dit keer dat die vulsel se vloeistof in die deeg insyfer. Ek stel voor dat jy jou kors “blind bak” voordat jy dit vul.

Om blind te bak beteken dat die deeg uitrol, dit in die quiche-pan inpas, met bakpapier of foelie bedek en dan met split-ertjies of droë bone vul. Dié gewig help die deeg om sy vorm te behou terwyl dit bak. Voorverhit die oond tot 180 °C. Bak die deeg vir ongeveer 10 minute of totdat die papier of foelie maklik aftrek sonder om aan die deeg vas te klou. Verwyder die boontjies of split-ertjies saam met die papier of foelie en bak die deeg vir ’n verdere 10 minute. Haal dit uit die oond en laat dit afkoel voordat jy dit vul. Jy sal nooit weer ’n pap quiche-kors hê nie!

 

Slim kontantwenk: Hou die split-ertjies en bone wat jy gebruik om blind te bak in ’n spesiale fles sodat jy dit weer kan gebruik.

 

 

 

V: “Wanneer ek avokadopeer gebruik, verbruin dit altyd so gou!”

 

A: Hierdie metode werk altyd: Dompel die hele ongeskilde avokadopeer vir een minuut in kokende water. Dit sal keer dat dit bruin raak wanneer jy dit sny. Dit skil ook baie makliker sodra jy dit uit die kookwater haal, en jy kan die vulsel maklik uitskep en sny soos jy verkies. Maak seker jy gebruik ’n ferm vrug wat nie te sag is nie.

 

Tydbesparingswenk: Moeg om te wag tot jou avokadopere ryp is? Versnel die proses deur dit in jou broodblik of aartappellaai te hou – of selfs in jou motor se kattebak.

 

 

 

V: “Hoe kan ek keer dat die suurlemoen-meringue wat ek bak, ’n soort stroperige velletjie in die bak agterlaat wat die kors deurweek?”

 

A: Om die perfekte suurlemoen-meringue te bak is nogal ’n uitdaging. Die probleem waarna jy verwys is baie algemeen, en die “poele” stroop of druppels wat vorm, word ook deursypeling genoem. Hier is van die oorsake:

• Wanneer jy die eierwit
té veel of té min klop.

• As die suiker nie behoorlik opgelos het nie. (Dis hoekom dit belangrik is
 om die suiker stadig by die mengsel te voeg.)

• Wanneer die tert nie gaar is nie,of by ’n te hoë temperatuur gebak word. Die buitekant verbruin, maar dit laat die eierwit nie behoorlik gelatineer nie. Dis veral waar wanneer 
die tertvulsel 
koud is – die 
kors van die
 tert sal nie gaar
 word nie en die 
bokant sal oorgaar bak.

• Humiditeit speel ook ’n rol. Omdat suurlemoen-meringue vog absorbeer, kan humiditeit buite dit sag en klewerig maak.

Jy het geen beheer oor die weer nie, maar probeer die ander slaggate vermy. Ek sou ook voorstel dat dit beter is om die tert net ’n uur of so voor opdiening te maak, want dis minder geneig om stroperig te raak wanneer dit vars is.

 

 

V: “Ek hou daarvan om in die winter sop te maak, maar ek is nooit seker hoe om dit te vries of in die yskas te bêre nie. Help!”

 

A: Daar is niks lekkerder as om ’n groot pot sop aanmekaar te slaan nie. Maak seker jy laat dit onbedek afkoel voor jy dit oorgooi en in die yskas of vrieskas sit. As jy dit seël voor dit koud is, sal die aftreksel suur raak. Voer ’n houer met ’n plastieksakkie uit of gebruik die soort wat spesifiek vir sop gemaak is. Dit het ’n bodem, kan verseël en het ’n maataanwysing sodat jy presies die regte hoeveelheid wat jy wil vries, kan afmeet

 

 

V: “My éclairs rys nie baie goed nie en is nooit binne-in heeltemal gaar gebak nie. Ek bak dit by 220 °C vir 25 minute en verlaag dan die temperatuur na 180 °C vir ’n verdere 20 minute. Wat doen ek verkeerd?”

 

A: Choux-deeg is die ligste, brosste, lugtigste deeg en word vir éclairs of roompoffertjies (profiteroles) gebruik. Dit pof in die oond uit totdat dit uiteindelik deur die hitte geset word. Die veerligte tekstuur is te danke aan die deeg se hoë waterinhoud, wat in stoom verander wanneer dit gebak word. Dít forseer die deegdop uitwaarts en verleen volume. Die beste ding omtrent choux is dat dit nie enige spesifieke deegvaardighede soos versigtige uitroltegnieke of ’n ligte hand vereis nie. Ek gebruik nooit ’n spuitsak vir choux nie – ek dink ’n éclair lyk beter wanneer die mengsel met ’n lepel op die bakplaat uitgeskep word.

Dit moet in ’n baie warm oond aan die buitekant verbruin sodat dit vinnig rys. Ek vermoed jy los jou éclairs vir te lank in die warm oond. Verlaag die hitte ná 12 tot 15 minute om die grootte en vorm te behou. Dit moet teen 180 °C vir sowat 20 minute uitdroog nadat dit gebak is.

Sodra jy dit uit die oond gehaal het, kan jy die kante liggies prik om die stoom uit te laat en dit dan laat afkoel op ’n droograk en jou gunsteling-vulsel insit.

 

 

 

V: “Ek hou daarvan om in die winter groot potte bredie voor te berei. Hoeveel keer kan ek dit vries en weer verhit?”

 

A: Die ideaal is om ’n bredie of stowegereg – of enige gaar gereg – net een keer te vries en een keer te herverhit nadat dit ontdooi het. Ek stel voor jy verdeel die gereg in porsies om sodoende die regte hoeveelhede te vries wat jy vir elke maaltyd nodig het. Dit is gevaarlik en ongesond om kos te herverhit wat al meer as een keer gevries was.

Ek hou daarvan om groot hoeveelhede van sulke soort geregte voor te berei en dit dan te vries omdat ek gevind het die geur ontwikkel selfs meer nadat dit gevries was.

Rou kos soos hoender-, lams- of beesvleis kan gevries, ontdooi, gaargemaak en daarna weer gevries word.

 

 

V: “Ek het ’n oorvloed basilie in my tuin. Wat kan ek alles daarmee doen?”

 

A: Basilie vries nie goed op sy eie nie en is geneig om swart te verkleur. Dit is daarom goed om eerder die blare van die takkies af te pluk, dit in ’n voedselverwerker saam met olyflie te pols en dit in ysbakkies te vries. Sodra dit gevries is, kan dit in ’n ziplock-sakkie gegooi word om soos nodig te gebruik.

Ek is mal daaroor om pesto met my basilie te maak, en ek is geneig om dit ook te vries en te gebruik wanneer ek pasta maak. Tydens die week, wanneer my gesin pasta met ’n tamatiesous eet, hou ek daarvan om die pesto vir ekstra geur by te voeg en om dit plek-plek oor die pasta te drup.

 

 

V: “Ek het ’n sjokolademousse-resep met donker Belgiese sjokolade as een van die bestanddele. Hoekom kan ek nie sommer gewone donkersjokolade gebruik nie? Is daar ’n verskil?”

 

A: Die grootste verskil tussen Belgiese en enige ander donkersjokolade is die gehalte. Donkersjokolade van goeie gehalte bhoort tussen 65% en 70% kakao te bevat.

Ingevoerde donker baksjokolade  vereis ’n minimum van 35% kakao, dit is versoet en bevat hoofsaaklik kakao en kakaobotter in verskillende mates. Dié soort sjokolade bevat ook geen melk nie. Moenie ’n donkersjokolade gebruik wat ’n kakao-inhoud van meer as 70% bevat nie, want dit kan maklik bitter smaak.

Jy kan goedkoper sjokolade gebruik, maar die smaakdiepte sal net nie dieselfde wees nie.

 

V: ’n Maklike manier om sjokolade te smelt:

 

A: Breek die sjokolade in stukkies en sit dit in ’n mikrogolfbak. Mikrogolf dit op hoog vir 45 sekondes of tot die sjokolade byna gesmelt is, maar steeds ’n vorm het. Klop die sjokolade totdat dit glad en heeltemal gesmelt is.

Indien jy sjokolade op die stoof oor ’n pot water smelt, moenie dat die water aan die bak raak nie, want dit sal oorverhit. Sjokolade kan maklik hard en korrelrig raak wanneer dit te warm raak en dan is dit neusie verby.

 

Hou jy hiervan?
op ons GRATIS Goeie Huishouding-resepnuusbrief
 
Onderarmvlekke

Sweterige vlekke kan jou klere ruïneer. Red jou kledingstukke só en laat dit boonop so vars soos ’n briesie ruik

Close