×
Skakel na Engels

5 wenke vir gesonde hande en naels

Jou hande en naels het in die winter ’n bietjie ekstra sorg nodig. Probeer dié vyf wenke:

naels

1. VERTROETEL HULLE

Naels kan in droë weer bros raak en makliker breek of afskilfer. “Bevog jou naels met ’n ryk galambotter-balsem,” sê Jin Soon Choi, ’n spa-eienaar. Dis nuttig om ’n klein buisie daarvan in jou handsak te hou en direk op jou naels te vryf. Probeer Badger Soothing Shea Butter Cuticle Care.

2. MINDER NAELLAK

Naellak verhoed dat vogrome en balsems jou naels bevog. Hou jou naels gesond deur niks bo-oor te verf nie en bevog dit elke keer as jy room aan jou hande smeer. Wanneer jou naels nie meer so maklik breek of afskilfer nie, kan jy weer die naellak nader trek.

3. VERSORG JOU NAELVLIESE

Droë naelvliese wat boonop bloei, benodig ekstra sorg, maar dis dikwels meer morsig as prakties om heeldag ’n balsem of naelvliesolie aan te wend. Gebruik eerder ’n naelvliespen soos Essie The Cuticle Pen sodat jy ’n tikkie olie kan aanwend wanneer nodig, soos net voordat jy saans bed toe gaan.

4. MENG JOU EIE DOEPA

Steel dié skoonheidstegniek by een van ons skoonheidsdeskundiges: Smeer ’n helende salfie aan en trek ’n paar katoensokkies wat jy pas uit die tuimeldroër gehaal het, vir 30 minute oor jou hande. Dit maak die porieë oop en die hitte help die vogroom behoorlik deurdring. Probeer Elizabeth Arden Eight Hour Cream Intensive Moisturizing Hand Treatment, Guinot Multi-Action Vital Hand Care, Uriage Crème Mains Hand Cream of Nivea Anti Age Q10 Plus Hand Cream.

5. HANDSKOENE IS HANDIG

Trek volgende keer rubberhandskoene 
aan as jy die skottelgoed was. Daar is soveel prettige keuses beskikbaar dat jy verbaas sal wees hoe funksioneel én pragtig dit kan lyk.

Hou jy hiervan?
op ons GRATIS Goeie Huishouding-resepnuusbrief
 
10 kelin kunsies sal jou in ’n kits mooier laat lyk

Die kleinste veranderinge aan jou gemiddelde skoonheidsroetine kan (en sal) groot resultate tot gevolg hê. Probeer die volgende:

Close