×
Skakel na Engels

10 maniere om jou kombuis te orden

Hou hierdie hard-werkende kamer in die huis in orde met die volgende wenke

1. Sorteer slim

Om jou kombuis doeltreffend op te ruim moet jy alles uit die kaste en laaie haal en elke oppervlak afvee. Wees eerlik of jy werklik elke artikel nodig het.

2. Identifiseer noodsaaklike gereedskap

’n Maklike manier om te besluit wat waar moet kom, is om jouself te vra hoe gereeld jy iets gebruik. Dit maak sin om eetgerei op ’n maklik bereikbare plek te hou en om die Kersfeeskoekiedrukkers en fonduestel in ’n hoekkas te bêre.

Lees ook: 5 maklike maniere om energie in die kombuis te spaar

3. Skep spesifieke areas

Skep stasies, soos ’n plek vir warm drankies (koffie/tee, ketel, koekies en bekers). Jy het ook ’n kosmaak-, tafeldek- en voorbereidingstasie nodig.

4. Hang dit op!

Die ruimte onder die wasbak is gewoonlik ’n rampgebied. ’n Goedkoop en maklike oplossing is om ’n reling in die kas op te sit. Hang al jou bottels met spuithandvatsels daaraan. Dit skep ruimte vir plastiekmandjies wat gekategoriseer en maklik uitgehaal kan word.

5. Benut oop spasie

Kaste wat aan die mure gemonteer is, het gewoonlik onbenutte ruimte bo-op. Span dit in deur maklik bereikbare stoorkissies met handvatsels te koop. Dit kan gebruik word om speserye, koekversiertoerusting of selfs medisyne in te bêre – lekker hoog en buite die bereik van klein handjies.

Lees ook: 9 nuwe reëls om ’n kinderkamer te orden

6. Sorteer die yskas uit

Moeg daarvoor om weke oue groente en kaas te ontdek wat in jou yskas wegkruip? Kry deursigtige houers en merk dit – dit sal maklik wees om raak te sien en van ’n rak af te haal wanneer jy iets spesifieks soek.

7. Beheer jou afval

Kleiner herwinningshouers dwing jou om dit gereeld leeg te maak. As dit te groot is, sal jy met ’n berg plastiekhouers en koerante moet sukkel.

8. Weg met die warboel!

Hou die kombuistoonbank netjies en maak plek by die voordeur waar gesinslede hul sakke en jasse kan ophang.

Lees ook: 10 regtig slim kombuiswenke

9. Kyk op

Toestelle soos mikrogolfoonde neem waardevolle toonbankruimte in beslag – sit joune op ’n sweefrak.

10. Gebruik ’n swartbord

Haal skoolkennisgewings van die yskas af en verf ’n muur met swartbordverf. Teken ’n kalender daarop en dui die belangrikste datums daarop aan.

Hou jy hiervan?
op ons GRATIS Goeie Huishouding-resepnuusbrief
 
8 nuttige gebruike vir koffiefilters

Koffiefilters is dalk selfs veelsydiger as handdoekpapier in die kombuis!

Close